مساء الخير ياشباب انا اخوكم محمد لسه مخلص منحه ال ٩ شهور وكنت نزلتلكم بوست قبل كده

هجاوب على معظم الاسئله اللى اتكررت كتير فى ال comments

اول حاجه امتحان الانجليزى ، ذاكر القواعد كويس جدا زى الماضى البسيط والمضارع البسيط والازمنه عموما مع قاعده if ، انا بالنسبه لل vocabulary هى السنه اللى فاتت كان جاة عليها سؤال واحد بس

طيب بالنسبه لل iq اول حاجه السنه اللى فاتت كان تقريبا جايبلنا ٧ اسئله ع العناوين وهى باختصار انه بيديك عنوان ويقولك اختار اللى زية ودى تعتمد ع قوة تركيزك ، كان جايب حوالى ٥ اسئله على المتوسط الحسابى مع سؤالين ضرب أرقام عادى جدا وبرضو كان مثلا بيجيلك اسئله تعتمد ع قوة الملاحظه زى انه يقولك عندى شركتين مثلا مقدم هنا ع اول شركه ٤ مهندسين والتانيه ٣ مهندسين والاولى هتاخد ١ والتانيه هتاخد ٢ كده إجمالي اللى هيتقبلو كام واحد ودة على سبيل المثال طبعا

هحطلكم اللينكات اللى كنت مذاكر منها

https://docs.google.com/.../1PtPE8fdtSW2PRv4.../edit...

https://docs.google.com/.../1HLkCVx9B2jkp4uAIcqOu.../edit...

كده خلصنا جزئية ال E, iq والامتحان بيبقى فى الفرع اللى حضرتك حددته وانت بتقدم ومش لازم فورمال

طيب بالنسبه بقا لل track exam هو عبارة عن حوالى ٣٠ سؤال mcq وبيكون اونلاين وبتمتحنه فى بيتك وبيكون ع متطلبات التراك اللى حضرتك مقدم عليه ولو حضرتك مقدم ع اكتر من تراك فكل تراك هيبقى ليه امتحان لوحده متقلقش

بالنسبه بقا لانترفيو ودة فى حاله ان حضرتك عديت المرحلتين الأولى والتانيه هنا هيبقى عندك انترفيو ودة ممكن يبقى ميتينج اونلاين او يكون ف الفرع ولازم تكون لابس فورمال والاسئله برضو بتبقى متوسطه جدا على متطلبات التراك اللى حضرتك مقدم عليه برضو

المرحله الأخيرة هى ال soft skills interview ودة بيبقى اسئله شخصيه وليه عايز تدخل ال iti

طيب امتى بيتحددلك ميعاد الامتحان مفيش مده معينه ممكن تقدم دلوقتى يتحددلك بكرة وممكن يتحددلك بعد اسبوع مثلا انت ونصيبك يعنى عشان كده قدم اول ما تكون جاهز والتقديم اخر يوم فيه ٣١ يوليو

لازم المرحله تخلص كامله عشان يحددلك المرحله التانيه بمعنى ان لازم يكون كل اللى مقدم خلص iq,E وامتحنهم عشان يبدأو يحددوا ال exam

هكمل فى اول كومنت عشان ال limit