لو عندك منتج وعايز تعمله فيديو إعلاني شكله احترافي من غير تكلفة إنتاج كبيرة، تقدر تعمل العملية كلها باستخدام CapCut وبعض أدوات الذكاء الاصطناعي زي ChatGPT أو Gemini أو Claude.
ابدأ بتصوير المنتج بالموبايل في إضاءة كويسة، وحاول تكون الصورة واضحة والتفاصيل بيّنة بشكل كويس.
ارفع الصورة على ChatGPT أو Gemini أو Claude واطلب منه يقترحلك فكرة مناسبة لعرض المنتج. ممكن تطلب منه يحط المنتج جوّا أوضة فاخرة أو في بيئة طبيعية أو أي فكرة إبداعية تناسب نوع المنتج. ولو معندكش فكرة محددة، قوله يقترحلك أحسن فكرة بنفسه.
بعد ما تستقر على الفكرة، اطلب من الذكاء الاصطناعي يكتبلك Prompt احترافي ومفصّل تقدر تستخدمه عشان تعمل الصورة الجديدة.
افتح CapCut وروح على أداة AI Image. ارفع صورة المنتج الأصلية وضيف الـ Prompt اللي جبته، وبعدين اضغط Generate. CapCut هيعملك نسخة احترافية من الصورة بالمشهد الجديد اللي اخترته.
لو عايز نتايج أكتر احترافية، تقدر تستخدم ميزة Skills جوّا Claude.
حمّل الـ Skill من هنا: Seedance 2.0 Skill
ضيف الـ Skill الخاصة بتحويل الصور لفيديو من خلال إعدادات Claude جوّا قسم Customize وبعدين Skills.
بعد كده ارفع الصورة اللي عملتها واطلب من Claude يستخدم الـ Skill عشان يعملك Video Prompt مع ما تكتبله الفكرة اللي عايزها، وهيكتبلك وصف تفصيلي لحركة الكاميرا والمنتج والإضاءة والمشهد كله.
بعد ما تاخد الـ Video Prompt، افتح CapCut PC وروح على قسم AI Video. اختار الموديل المناسب سواء SeaDance 2 أو SeaDance 2 Fast أو SeaDance 2 Mini. الصق الـ Prompt واضغط Generate وهيتعمل الفيديو.
لو مش عايز تستخدم Claude Skills، ارفع الصورة على طول على ChatGPT أو Gemini واطلب منه يكتبلك Video Prompt احترافي عشان تحوّل الصورة لفيديو إعلاني.