ملخص ال live.. منقول
- تقديم iti ٩ شهور هيفتح بكرة إن شاء الله
**https://iti.gov.eg/home**
- لما التقديم يفتح إن شاء الله بمجرد ما بندَخَّل الكلية والتقدير والفرع اللي عايزينه بيجيب ايه التراكات المتاحة وكل تراك تفاصيله ايه و ايه المطلوب فيه و كل ده (أقل تقدير للتقديم في منحة ال iti ٩ شهور هو جيد)
- التقديم هيفضل فاتح لمدة أسبوعين وبعدها يقفل
- أي دفعة اتخرجت قبل ٢٠٢٥ لازم تقدم شهادة التخرج وقت التسجيل، لكن دفعة ٢٠٢٥ ممكن تقدم إقرار إنها هتجيب الشهادة لو لسه مطلعتش، الإقرار بيقول إنك هتجيبها في أول أسبوع في شهر ١٠
- امتحانات القبول هتبدأ من الأسبوع الجاي (فا اللي يقدم مايقدمش غير و هو جاهز عشان وارد يجيله معاد امتحان قريب)
- ال process بتاعة التقديم كلها هتستمر شهرين (الامتحانات + ال interviews)
- بداية الدراسة إن شاء الله الأسبوع الأول من شهر ١٠
- القبول لا يعتمد على أسبقية التسجيل، والتنسيق بيحصل في الآخر خالص بعد ما كله يخلص امتحانات و interviews
- القبول مش بيكون بدرجة نجاح معينة، بيكون ب rank يعني ولنفترض هما محتاجين ١٥ طالب في تراك معين في فرع معين، بياخدوا أعلى ١٥ طالب
- السنة دي بالإضافة لامتحان ال English & IQ، هيكون في امتحان technical، لكل التراكات
- ال technical interview بيبقى level الأسئلة فيه من basic ل intermediate مش بيكون في حاجة advanced، وقالوا ممكن نتسأل مثلا في
OS, OOP, C, C++, DB, PS
- لو حد من الدفعة اللي اتخرجت ٢٠٢٥ ليه جيش وقدم على iti ٩ شهور واتقبل، المدة بتاعة ال ٩ شهور دي بتتحسب من فترة الجيش، وبعد ما المنحة بتخلص بيرجع الجيش يكمل المدة الباقية له
- بيكون في امتحانات خلال فترة ال iti، ولو لا قدر الله أي طالب مانجحش في امتحانين منهم بحد أقصى، بيتم فصله من المنحة، ولو كان ليه جيش ساعتها بيستنى ال round بتاعة الجيش اللي بعدها و بيبدأ الجيش من الأول و مش بيتم احتساب الفترة اللي خدها ف iti إنها من ضمن فترة الجيش
- اللي جيشه بدأ خلاص في شهر ٧ مينفعش يقدم
- لو حد كان في الجيش و قرب يخلص يقدر يقدم بشرط إنه يوم ١/١٠ يكون خلص جيش
- لينا رغبتين بنقدم عليهم (ممكن تبقى نفس الرغبة بس في فرعين من فروع المعهد مثلا لو حد حابب)
- بعد القبول في تراك معين في فرع معين مينفعش نغير أي حاجة سواء تراك أو محافظة